Union Minister-in AP a tlawh dawn

Union science and technology minister Dr Harsh Vardhan chuan Arunachal Pradesh tlawh tura sawmna chu pawmin, Kimin-a Centre of Excellence for Bio Resources and Sustainable Development Centre  a hawng dawn. 

AP Lok Sabha MP Tapir Gao leh  Arunachal Pradesh State Council for Science and Technology (APSCS&T) chairman Bamang Mangha chuan Ningani khan union minister hi an state-a zin tur hian an sawm a ni. Minister an kawmnaah hian state department of science and technology hnuaia earth sciences division siam chungchang pawh an sawipui a, he division hi siam a nih chuan mines and minerals field lama scientific research neihte chu state in a hlawkpui dawn niin an sawi. 

AP palaite hian Union Minister hi an state-a project tihkhawtlai mekte enfiah tur leh, science ministry hnuaia project thar siamna tur rawtna thehlutte pawh enfiah sak turin an ngen bawk.