Manipur-in an museum international standard-a siam tum

Manipur sorkar chuan an state chhunga museum pali chu international standard-a tihchangtlun a tum. 

Kar kal ta Inrinni-a INA Martyrs’ Complex, Moi­rang-a National Seminar on INA and North East India neihnaa khuallian, Manipur art & culture minister L Jayan­takumar Singh chuan he thu hi a sawi a ni. Museum tihchangtlun turte chu Moirang-a Indian National Army (INA) museum, Imphal-a Manipur State Museum leh Kangla-a museum pahnihte an ni. 

Minister chuan India zalenna sualnaah Moirang chuan din­hmun pawimawh tak chelh mah se, ramchhung mi tam zawkin hei hi an hre lo tih sawiin, pawi a ti hle. Hei vang hian India ram laili zawk leh hmundanga  mite hnenah Moirang dinhmun pawimawhzia hriattir chu a ṭul thu a sawi. 

Indian National Army-a hmar­chhak mite pawimawhna leh an huai­senziate chu seminar aṭang hian hriatbelh zel a ni tih sawiin, hmarchhak mipuite chu INA dinhmun sawhngheh leh chawi­kannaah mi ṭangkai tak an ni, a ti. Minister chuan, "Battle of Imphal leh Battle of Kohima chu India zalenna sual laia inbeihna thleng pui ber zingah chhiar tel an ni," tiin a sawi.