Nagaland-in Assam ramriah Outpost pathum siam dawn

Nagaland minister for Higher & Technical Educa­tion and Tribal Affairs, Temjen Imna Along chuan Inrinni khan an state sorkarin Assam nena an ramriah outpost pathum siam a tum thu a sawi.

Imna Along chuan Nagaland leh Assam ramria outpost pathum siam tum a nih chhan hi sawiin, "Nagaland ramri chin a him zawk nana tih a ni a. Kan ṭhenawm ram Assam-te paw'n he an outopst siam tum hi a ni lo zawnga la kawi lo turin ka duh," a ti. 

Inrinni khan Saring khua­ah cultural exchange programme “Tradition Echoing Peace” hman a ni a, hetah hian Temjen Imna Along hi special guest-ah sawm a ni. Along chuan Saring leh Nokpu khuaa EAC leh Longchem khuaa Border Magistrate-te chu, an ramri a awmte an ralmuan zawk nan leh ram ṭhenawmte nen an inkungkaihna a ṭhat zawk nan theihtawpa hma la turin a ti.

Cultural exchange prog­ramme-ah hian Imna Along chuan an ṭhenawm state Assam nen hian kumkhuain an inṭhenawm reng dawn tih sawiin, an ṭhenawm ramten tunhnaia tuilian an tawrhna chu pawi a tih thu leh ṭanpuina pawh an pek thu a sawi bawk.

He cultural exchange programme-ah hian Advisor, Treasuries & Accounts, Natio­nal Highways, Dr Longrineken pawhin thu a sawi. Programme-hi Longchem khuaa EAC HQ office te'n an buatsaih a ni a,  Assam leh Naga-te ramri hrula inrem taka an awm tlan theih nana he programme hi buatsaih a ni. State pahnih aṭangin stakeholder-te an tel a, hnam lam leh zaite entir a ni.