Nagaland cabinet-in two-wheeler taxi service pawm

Nagaland state cabinet chuan an state chhunga two-wheeler taxi service kalpuina tur chu a pawm a, August 15 hian official-in hawn a ni ang. 

Cabinet chuan school leh college naupangte tana a samkhai zawkna tur te, vahvelnaa sum sen tihtlemna tur leh ṭhalai hna nei loten eizawnna an neih theihna turin he service hi an pawm tih a sawi. 

Two-wheeler taxi service kalpuina turah hian district tina Regional Transport Authority (RTA) chuan an district chhung bik atan permit an pe dawn a, permit pek theih zat hi bithliah a ni ang. Two wheeler taxi a hman tur hi a thar a ni tur a ni a, insurance cover pawh a nei tur a ni. Permit hi Nagaland leilung fa ngei, hna nei lo  hnenah pek tur a ni a, permit an pek ngei lo chu khalh phalsak an ni lo bawk. Mipa chuan passenger mipa leh hmeichhia a lak phalsak a ni ang a, hmeichhia chuan passenger-ah hmeichhia bak a lak phal a ni lo thung. RTA-in rate a siamte zawm lo an awm a nih chuan an permit tihtawp sak nghal an ni ang.