Citizenship Bill hi kan dodal : Manipur CM

Manipur Chief Minister N. Biren Singh chuan Pathianni khan North East Students Organisation (NESO) hnenah a kaihhruai sorkar chuan tuna a nihna ang hi chuan Citizenship (Amendment) Bill 2016 hi an dodal zel dawn tih a sawi.

NESO aiawh palaite hian Pathianni khan Biren Singh hi hmu in NESO secretary S. Prakash chuan a kaihruai a ni. S. Prakash chuan bill-ah hian ram leilung fate venhimna tur thu clause telh a nih hma chuan CM Biren Singh chuan bill chu dodal zel a tiam tih a sawi a ni.

Biren Singh hian hmarchhak chief minister-te leh sorkar laipui hruaitu ten meeting an neih hunah pawh dodalna a ziahluh dawn thu a sawi nia tarlan ni bawkin sorkar laipui hnenah pawh Mani­pur Peoples (Protection) Bill, 2018 pawm turin a nawr dawn nia sawi a ni bawk.