Rahul Gandhi-an Manipur Journalist tang mekte thlawp reng dawn

All India Congress Committee (AICC) chief Rahul Gandhi chuan Manipur Journalist, Imphal-a tang mek Kishore Chandra Wangkhem man a ni chu a dem thu sawiin a thlawp zel dawn thu a sawi.

Rahul Gandhi hian Manipuri journalist hnenah hian lehkha thawnin sorkar dodaltute ngawih tirna hmanraw pakhat a nih thu lehkha thawnah chuan a ziak. Thla eng emaw zat kal tawh aṭang khan BJP sorkar chuan Manipur mipuite dikna chanvo an tihchhiatna an hmu tih a sawi. Rahul chuan tharum thawhna hmuh tur a awm reng laia thu rintlak zawngtute jail-a tan tir an ni chu thil mak tak a nih thu a sawi bawk.

Hindustan Times chuan Wangkhem nupui Elangbam Ranjita hnenah lehkhathawn hi pek a nih thu tarlangin Ranjita chuan Rahul Gandhi laka a lawm thu hi a sawi a, thu dik lo laka a ding ngam chu lawmawm a tih thu leh a beisei phak loh thu a sawi.

Kishore Chandra Wangkhem hian RSS leh Manipur sorkar a sawiselna video social media-ah a post a, hemi avang hian nikum November thla khan National Security Act (NSA) hnuaiah man a ni.