Arunachal CM in Citizenship Bill sawimawi

Assam Chief Minister Sarbananda Sonowal leh Assam Health Minister Himanta Biswa Sarma-te hnungzuiin Arunachal Pradesh Chief Minister Pema Khandu chuan sawisel hlawh tak Citizenship Amendment Bill chu humin, mipuite chuan bill chu a ni lo zawngin an ngai niin a sawi.

Pakke-Paga Festival, East Kameng district-a Seijosa hawnnaa Pathianni-a thu a sawinaah Pema Khandu chuan mipui, hawi lam bik neite chuan bill chu dodalin mipuite an ti chiai niin sawi. Bill chuan demography rualkhai zawk a siam dawn niin a sawi bawk.

Hetihlai hian Arunachal Pradesh-ah hian bill dodalna hi a nasa hle a, All Arunachal Pradesh Students’ Union-te kaihhruaina hnuaiah nasa taka dodal niin AAPSU hian bill hi pawm a nih chuan Chakma leh Hajong raltlan tam takte chu khua leh tui an ni dawn tih sawiin an hnam chimralna tur a nih thu an sawi a ni.