Assam eptu ṭangrual pawlin CMP siam dawn

Assam-a eptu ṭangrual pawl, 'grand alliance'-a tel party hrang hrangte chuan thawhohna ṭha leh chak zawk an neihna turin common minimum programme (CMP) leh coordination committee siam an rel.  

Grand Alliance meeting-ah hian All India United Democratic Front (AIUDF), Left party pathum – CPI, CPI (M), CPI (ML) bakah regional party Anchalik Gana Morcha-te an tel. Mahse Congres party aiawh erawh an tel lo thung. 

Anchalik Gana Morcha hotu leh Rajya Sabha MP Ajit Kumar Bhuyan chuan meeting-a CMP leh coordination committee siam an rawt chungchang hi All India Congress Committee (AICC), Assam in-charge, Jitendra Singh hnenah pawh an thehlut tih a sawi. Hemi rual hian ṭangrual pawl chief ministerial candidate tur erawh chu an la rel lo tih a sawi bawk.