Assam CM-in DIPR Media Fellowship a sem

Assam chief minister Sarbana Sonowal chuan kar liam ta Inrinni khan Department of Information and Public Relations (DIPR) hnuaia state chhunga journalist-te tana siam, Media Fellowship, one-time grant, appointment leh award-te a sem. 

CM chuan sorkar ṭha a awmna tura media pawimawhnate sawiin, sorkar inrelbawlna ṭha leh khalh ngilna tura media-te chuan theihtawp an chhuah chhunzawm zel a duh thu a sawi. Fellowship leh award semna inkhawm hi Sri Sri Madhabdev International Auditorium, Srimanta Sankardev Kalakshetra-ah neih a ni. Media Fellowship 2020-21 hi journalist 18 hnenah hlan a ni. 

State sorkar hian kum thum liam ta aṭang khan journalist thawk laite hnenah topic thlan bika research an tihna turin fellowship, Rs 50,000 ṭheuh a pe ṭhin.