NRF zone infrastructure atan Rs vbc 8,060 dah

Union budget-ah Northeast Frontier Railway (NFR) zone-a railway infrastructure tihchangtlunna atan cheng vaibelchhe 8,060 dah a ni. 

Kar liam ta Zirtawpni khan NFR chuan thuchhuah siamin, "Union budget thar hnuaia NRF tan Rs vbc 8,060 dah a ni a, heng zingah Rs vbc 4,550 chu rel kawng thar siamna tur leh a kawng awmsa tihlenna tur a ni. Rs vbc 3,470 chu safety lam kaihhnawih atan dah niin, passenger kaihhnawih lam atan Rs vbc 166 dah a ni bawk,' a ti. 

Rel kawng zauh turah hian New Bongaigaon-Agthori (via Rangiya) section tan Rs vbc 650 leh New Bongaigaon-Goalpara-Guwahati section tan Rs vbc 610 dah a ni a, Digaru-Hojai section tan Rs vbc 100 leh New Mainaguri-Gumanihat section tan Rs vbc 110 dah a ni bawk. 

Kawng thar siam tur zingah Sivok-Rangpo project tan Rs vbc 1,100, Tetelia-Byrnihat project tan Rs vbc 101, Agartala-Akhaura project tanRs vbc 300 dah a ni. Hei bakah hian Jiribam-Imphal project tan Rs vbc 1,000, Bhairabi-Sairang project tan Rs vbc 1,000 leh Dimapur-Zubza project tan Rs 800 an dah bawk a ni.