Manipur sorkarin NH-ah mobile security team dah dawn

Manipur sorkar chuan state mamawh bungrua phurtu motor-ten national highway-ah pawl ṭhenkhat lak aṭanga buaina an tawh fo avangin mobile secu­rity team a dah tawh dawn. 

Chief minister N Biren Singh chuan Assembly inkhawma eptu MLA, Kh Joykishan-a'n NH-37 (Imphal-Jiribam highway)-a pawl ṭhen­khatin bungrua phurtu motor-te hnen aṭanga pawisa an lo laksak ṭhin chungchanga motion a putluh a chhannaah, mobile security team dah an ni tawh dawn tih hi a sawi a ni. 

CM chuan a kaihhruai sorkar chuan dan leh thupek ṭha takin a kengkawh zel dawn tih sawiin, highway-a mi ṭhenkhatin motor tlante hnenah chhiah an lo la ṭhin nia sawi chu endikin, ven a ni tawh dawn tih a sawi a, hetianga thil dik lo thlenna ṭhin nia sawiah chuan commando leh security team dah zel an ni ang, a ti.