BPF-in anti-BJP thlawp dawn

Bodoland People’s Front (BPF) chuan Assam assembly inthlan awm turah party thawhpui tur la tifel lo mah se, anti-Bharatiya Janata Party (BJP) an thlawp dawn tih an sawi. 

BPF general secretary Prabin Boro chuan an party chuan anti-BJP party hrang hrang, Congress, All India United Democratic Front (AIUDF), Left parties, Assam Jatiya Parishad (AJP) leh Raijor Dal-te chu inbiakna ṭum eng emaw zat neihpui tawh mah se, thawhho tur chungchangah thutlukna an la siam loh thu a sawi a ni. 

Boro chuan BJP paihthlak chu an thil tum pawimawh tak zingah a tel tih sawiin, 'BJP hian nasa takin BPF hi a phatsan a ni. State level-a kan thawk dun chungin, Bodoland Territorial Council-ah min phatsanin United People’s Party Progressive (UPPL) an thawhpui a ni. Hei vang hian BPF chuan inthlan lo awm turah hian anti-BJP party zel a thlawp zel dawn a ni," a ti. 

Assembly inthlan hnuhnung berah khan BPF hian seat 12 an la a, BJP kaihhruai ṭangrualah an tel a ni. Mahse hetichung hian BPF hi Citizenship Amendment Act (CAA) dodaltu zingah a tel a ni.