Tripura sorkarin Congress rally huaihawt phalsak lo

Tripura-a BJP kaihhruai sorkar chuan Congress Party-in nimina World Indigenous People's Day puala rally huai­hawt a tum chu a phalsak lo. 

State sorkarin rally huai­hawtna tura phalna a pek duh loh avangin sawiselna pawh a nasa hle. Tripura Congress president Pradyot Kishore Manikya Deb Burman chuan national party thil tih tum dansak an ni chu mak an ti hle tih a sawi a, sorkar thiltih dan hian tribal hnamte laka a rilru puthmang a tilang chiang hle a ni, a ti. Tribal-te puala Tripura-a national party-in event huaihawt an tumna hmasa ber a nih thu a sawi bawk. 

Manikya chuan Agartala-a Congress Bhawan-ah kal­khawmin a, hemi hnu hian ngawi renga town hall pana kawngzawh a nih hnuah, cultural dance programme leh musical evening hman tum mai an nih thu a sawi. Mahse sorkar chuan boruak muanawm tichhe thei a thlen palh venthawn thilah rally huaihawt hi a remtih sak lo niin a sawi ve thung.