Manipur-a Mega Food Park siamna tur sorkarin a pawm : Rameswar Teli

Minister of State, Ministry of Food Processing Industries, Rameswar Teli chuan sorkar laipuiin Manipur-a cheng vaibelchhe 80 senga Mega Food Park siamna tur chu a thuphungin a pawm tawh tih a sawi. 

Ningani-a Imphal-a Pradhan Mantir Kisan Sam­pada Yojana one-day workshop a hawnnaah mi­nister hian he thu hi a sawi a ni. Mega Food Park project hian sorkar laipui aṭangin cheng vaibelchhe 50 a dawn tur thu a sawi bawk. 

Minister chuan work­shop-a telte hnenah, entre­peneur-te tan fund a awm ṭha tawk tih sawiin, heng fund-te an hmuh theihna atan hian sorkarah proposal-te thehlut turin a fuih bawk. 

Workshop hmanpuitu dang, Textiles, Commerce and Industries minister Thongam Biswajit Singh chuan entrepreneur-te chu an awmna district chin chauh thlir lo tura fuihin, an huang zauh a, midangte tana hna tam zawk siamsak thei tura hma la turin a fuih. Hemi rual hian sorkar laipui pawh Small State Development Policy siam turin a ngen nghal bawk a ni. 

One-day workshop hi Indian Chamber of Commerce leh  Department of Textiles, Commerce & Industries, Government of Manipur leh Ministry of Food Processing Industries, Government of India huaihawt a ni.