Ticket nei lo mi nuai 5.63 man tawh : NFR

Northeast Frontier Railway (NFR) chuan kumin January - July thla chhung khan relah ticket nei lo leh ticket chiang loa zin mi nuai 5.63 manchhuah an nih tawh thu a sawi. Heng mite sum chawitir aṭanga an sumhmuh chu cheng vaibelchhe 38.73 a tling bawk. 

NFR chief PRO Pranav Jyoti Sharma chuan ticket nei loa zin an man hi nikum hemi hunchhung, January - July, 2018 chhunga an man zat aiin 13.17%-in an tam zawk a, an sum chawi pawh hi 16.55% -in a tam zawk tih a sawi. 

NFR hian hmarchhak state pariat bakah West Bengal-a district pasarih leh Bihar-a district panga a huam a ni.