Assam-ah district thar puang dawn

Assam chief minister Sarbananda Sonowal chuan vawiin hian Bajali chu district tharah a puang dawn a, an state-a district 34-na tur a ni. 

Tualchhung mipuiten hun rei tak district hran an lo ngiat tawhna chu state sorkar chuan a tihhlawhtlin sak dawn ta a, Barpeta district hnuaia Bajali Civil Subdivision huam chhung chu district hran pek an ni dawn ta a ni. 

District thar khawpui atan hian Madan Rauta Nagar hman a ni dawn a, Personnel Department chuan district siam thara Deputy Commissioner turin Bhabani Prasad Sarma chu a ruat fel nghal bawk. 

General Administrative Department (GAD) chuan state cabinet leh sorkar laipuia Delimitation Commission-in an remtihpui hnuah Bajali district thar siam a ni dawn tih hi a lo sawi tawh a, he district tan hian gazetted post 10 a siam nghal bawk a ni.