Guwahati-ah two-lane flyover siam dawn

Assam sorkar chuan Guwahati-a Sarbhati-ah two-lane flyover siam a tum. 

Flyover siam hna hi Lok Nirman Bib­hag (Public Works Depart­ment tih ṭhin) chuan a thawk dawn a, Assembly inthlan neih tur avanga 'Model Code of Conduct' hman a ni hma ngeiin lungphum phum hman an tum bawk. 

Two-lane flyover hi meter 800-a thui a ni dawn a, Sarabhati Chariali leh B Barrooh Cancer Institute inkarah siam a ni ang. He project thawhna atan hian cheng vaibelchhe 148 ruahman a ni. 

Department chuan flyover hi siam hna thawh a nih ṭan aṭanga kum thum chhunga zawhfel tum a ni tih a sawi a, kawngchhawng hi siam a nih hunah chuan khawpui chhunga traffic jam nasa tak avanga mipuite harsatna neih ṭhin pawh a chhawk theih ngei an beisei tih an sawi. 

Guwahati-ah hian Super Market-Dispur area-ah two-lane flyover hi siam mek a ni a,  Mali­gaon - Kamakhya Gate inkarah four-lane flyover siam tum a ni bawk.