AP Governor-i'n sports infrastructure tam zawk dil

Arunachal Pradesh Governor Brig (Retd) Dr BD Mishra chuan Thawhṭanni khan sorkar laipui hnenah an state-a games and sports activity changtlung zawka kalpui a nih theihna turin sports infrastructure tam zawk pe turin a dil. 

Mishra chuan union minister of state for youth affairs and sports Kiren Rijiju biain, state chhunga district tinte chu 'central sports promotion team' tlawh tir turin a ngen. 

Games and sports lama an state ṭhalaite theihna neihte sawiin, Governor chuan facility tam zawk an neih chuan nasa takin hma an sawn thei dawn a ni, a ti. Sports ministry chuan women sports lam ngaih pawimawh tel se a  duh thu a sawi bawk. 

Governor hian a hmain defence minister Rajnath Singh biain, national security, ramri dihmun leh armed force dah an nih dante a lo sawipui tawh bawk. State sorkarin Tawang-a Major Bob Khathing hriatrengna hmun siam a tum chungchang hrilhin, hemi atan hian Tawang catonment-a ram pe turin a ngen a ni.