Assam ṭhalai pathumin ULFA zawm

Assam Police-te chuan Pathianni khan an state ṭhalai pathumin hel pawl, United Liberation Front of Assam (ULFA) an zawm tih an sawi.

Bangladesh leh Assam inrina bul, Lower Assam-a Dhubri district-a Golakganj khaw mi Hriday Sarkar leh a ṭhiante pahnih chuan January 15 khan an in chhuahsanin ULFA hi an zawm tih an sawi a, a ṭhiante pahnih hi  Dhemaji leh Goalpara district mi an nih thu an sawi bawk.

Tunhnaiah ULFA hel pawl zawm hi an awm nual a, hei hi Citi­zenship Amendment Bill chungchang vang a nih ring an tam hle.