Assam: Jorhat-ah CrPc Section 144 puang

Assam-a Jorhat District Magistrate chuan Zirtawpni khan CrPc Section 144 a puang.

Hei hi buaina chhuak thut thei laka invenna atana tih a ni a, mipuite an him zawkna atana ti an nih thu tarlan a ni.

District Magistrate thu­chhuah hian mipui pun­khawmna hmuna poster leh placard pawisawi chi tarte, milim halte, mimal emaw sorkar building banga poster tar leh ziahrante a khap a, lirthei tlan laia halpuah vawm luhte leh donation khawnte thlengin a khap a, hetiang thil reng reng hi pawl emaw, mimal ang emaw pawhin tih a khap.

Heng bakah hian hmai zawng zawng khuhbo thei helmet khumte, lirtheia dar­thlalang langtlang thei lo hmante leh sorkar leh vantlang hmuna thil eng emaw siamte pawh a khap bawk. 

Thupek chuan Section 144 hian Army leh CRPF, police, sorkar hnathawk-te bak­ah kartin bazar hun, bus stand, cinema hall leh zirna inte erawh a huam ve dawn lo tih an tarlang bawk a ni.

District Magistrate chuan thupek dan tihchhuah leh a nih hma chuan Section 144 hi hman reng a nih dawn tih an tarlang bawk.