Rohingya puitute zawnchhuah an ni ang : Manipur CM

Manipur chief minister N. Biren Singh chuan kar kal ta Inrinni-a Tulihal International Airport, Imphal aṭanga Rohing­ya mi paruk man an nih chung­changah,an state-a an luh theihna lo puitute leh awmna tur lo petute chu zawnchhuah an ni dawn tih a sawi. 

Rohingya mi parukte hi Inrinni khan document dik lo hmangin New Delhi aṭangin Imphal hi an lut a ni. CM chuan state mipuite hnen­ah Rohingya mite leh an agent, Manipur-a hruai thlengtute chu chhui turin a ti. State mipuite chuan chak taka hma an lak thuai loh chuan, Manipur hnamte chu chim ral an la ni thuai thei dawn a ni, a ti. 

Police-ten an chhuinaah, Rohingy an mante hi Madrasa, Delhi-ah an training a, hemi hnu hian Delhi-a agent ṭhenkhat puihnain Manipur-ah hian a  kal a ni. Police-ten thu an zawhfiahnaah, Rohingya mite hian Yangon leh Mandalay, Myanmar-a cheng an ni tih pawh an sawi tawh bawk.