Hmarchhak state parukte Textile skill training pe dawn

Hmarchhak state zinga parukte chu textile sector-a Samarth scheme hnuaiah skill training pek an ni dawn. 

Skill training pek tur state-te chu - Assam, Arunachal Pra­desh, Manipur, Meghalaya, Mizoram leh Tripura-te an ni. 

Textile Ministry chuan Samarth scheme hnuaia mi nuai 10-te hnena textile lama skill training pekna turin state 18-te chu Memorandum of Understanding (MoU) a ziahpui a, union cabinet minister Smriti Irani chuan hemi chungchang hi Nilaini kha a official twitter-ah a tarlang. 

Samarth scheme hnuaiah hian Assam-ah mi 67,095 training pek an ni dawn a, Tripura-ah mi 12,000 training pek an ni bawk ang. He scheme-in a tum ber chu mahni kutkea din theihna tur hna insiam, traditional handloom, handicraft, jute, wool leh silk lama sumdawnna chawisante a ni. He scheme hnuaiah hian kum thum chhungin mi nuai 10 hnenah training pek tum a ni a, hemi atan hian sorkar budget cheng vaibelchhe 1,300 a ruahman. 

Minister Irani chuan textile sector hnuaia hnathawktu hmun lia ṭhena hmun thum leh, Mudra loan dawngtu 70% chu hmeichhia an nih thu a sawi. State hrang hrangah he scheme kalpui a nih dan enfiah a, training pekna hmunte tlawh kual a tum tih a sawi bawk.