Sikkim: SDF MLA pahnihin SKM zawm

Sikkim-a Sikkim Democratic Front (SDF) party tan chuan chanchin lawmawm loh hriat tur a awm deuh mawlh mawlh mai niin a lang.

Tunhnai lawk khan SDM MLA 10-ten New Delhi-a BJP an zawm hnuah Nilaini khan an MLA dang pahnihte chuan state-a sorkarna siam mek Sikkim Kranti­kari Morcha (SKM) an zawm ve leh.

Upper Tadong MLA, G T Dhungel leh Nam­cheybong MLA, Em Prasad Sharma-te chuan Nilaini khan SKM hi zawmin, he hunah hian SKM chief leh chief minister nilai PS Golay pawh a tel a ni.

SKM hian MLA 18 an nei ta a, BJP chuan MLA 10 nei ve bawkin SDF chuan MLA pakhat chiah Assembly-ah an nei tawh a ni. Sikkim chief minister hlui leh India rama CM ni rei ber record siamtu Pawan Chamling Kumar chiah Sikkim Assembly-ah hian SDF member a awm tawh.