Meghalaya CM-in e-champion challenge website tlangzarh

Meghalaya chief minister Conrad K Sangma chuan Nilaini khan an state chhunga entreprenuership chawilar-na tur leh hmasawnna tura website siam, e-champion challenge website a tlangzarh.

Conrad K Sangma chuan en­tre­preneur lama hmasawnna an duh avangin website hi an siam tih a sawi a, an state-ah chuan entreprenuership culture atan ecosystem siam an tum tih a sawi bawk a ni.

Competition buatsaih chu ṭhalaite tuina atan a ṭha hle a, hemi a nih avang hian e-champion challenge kaltlang hian entreprenuer an thlang dawn tih a sawi.