AP NPP MLA pahnihin Congress an zawm

21st January, 2019

Arunachal Pradesh-a National People’s Party (NPP) MLA pahnihte chuan kar liamta Ningani khan an party chhuahsanin Congress an zawm.

AP MLA pahnih - Tapang Taloh leh Rajesh Tacho-te chuan Ningani liamta khan Congress zawmin Congress president Rahul Gandhi leh PCC chief Takam Sanjoy-te chu an rintawk thu an sawi.

Anni bakah hian minsiter hlui Komoli Mossang leh BJP hruaitu Lichi Legi-te pawhin Congress hi an zawm ve bawk.

Arunachal Congress party hian MLA pathum chiah an nei a, NPP MLA pahnihin an zawm belh leh bawk nen hian panga an nei ve ta a ni. Hetihlai hian BJP chuan MLA 48 neiin independent pahnihin an thlawp bawk. Arunachal Pradesh Assembly-ah hian seat 60 a awm a ni.

Congress legislature party hruaitu Takam Pario chuan heng hruaitu tharte hian danglamna an thlen ngei dawn thu sawiin, Lok Sabha inthlanah pawh danglamna an thlen a beisei thu a sawi.