News portal-in Meghalaya police lakah complaint thehlut

Guwahati-based regional news portal, Northeast Now chuan media-te ka hupbeh sak tumah puhin Meghalaya police-te lakah complaint a thehlut. 

Northeast Now thupuangtu chuan Press Council of India, Union Minister for Information and Broadcasting Prakash Javadekar, Indian Journalists Union, Editors' Guild of India, Digital News Publishers Association of India leh Journalist Association of Assam hnenah complaint hi an thehlut tih a sawi. 

August 10 khan Northeast Now hian Meghalaya chief minister hlui, Mukul Sangma chuan Bharatiya Janata Party (BJP) a zawm maithei niin a report a, an thu dawnna hi a rintlak niin an sawi bawk. Mahse hemi hnu hian Meghalaya Police-a Special Superintendent of Police (CID) MGT Sangma chuan CrPC Section 01 hnuaiah news portal hi hriattirna pein, he report hi paih tur leh, an thu lakna chu a rintlak tawk a ni tih finfiahna pe turin a ti a ni. Meghalaya police-ten report hi paih tura an nawr chungin, Northeast Now erawh chuan Sangma chungchanga an report hi an paih duh lo a ni. 

Northeast Now Editor-in-Chief Anirban Roy chuan police officer SSP rank-in media organisation-te hnenah news report paih tir tur leh, journalist-te hnenah an source tarlang tura thu a pek theihna hi ram danpuiah a awm lo a ni, a ti.