Nagaland-ah NSCN-R camp chhuhsak

Nagaland police leh Assam Rifles ṭangkawpte chuan Nilaini zanah khan Mon District-ah hel pawl National Socialist Council of Nagaland- Reformation (NSCN-R) camp an chhuhsak.

NSCN-R camp hi Wangti leh Monyakshu thingtlang khaw inkara awm Noykhu-ah an hmu a, an inkah hnuah security force lam hian camp hi an chhuhsak a ni. He inkahnaah hian thi leh hliam an awm lo a, NSCN helte hi an tlanchhe hman vek thung. 

Assam rifles official-te chuan a thim avangin helte an biru hman vek tih an sawi a, silaimu ṭhahnem tak, thawmhnaw leh bungraw eng emaw zat bakah indona hmanruate an man tih an sawi. Kar khat liam ta chhung khan NSCN-R camp hi pathum ngawt chhuhsakin tihchhiatsak an ni tawh.