Karbi Anglong-a mi sawisak hlum-a mawhphurtua puhte Nagaon Court in an kut phuarsak lo turin Police hriattir
Assam-a Karbi Anglong-a nikum June 8-a mipui thinrimin tlangval pahnih an sawisak hlumnaa mawhphurtua puhte chu Nagaon Court chuan an kut phuarsak lo turin Police an hriattir.
Court Advocate Ziaur Kamar chuan mawhphurtua puhte chu insawifiahna hun pek an phalsak thu sawiin, Supreme Court pawhin an kut phuarsak turin thupek a la tichhuak lo tih an sawi.
Karbi Anglong thubuaiah hian mi 48 chu mawhphurtua puh niin an zingah hian kum tling lo te pawh an tel a, nikum June 8 khan Guwahati tlangval pahnih Abhijeet Nath leh Nilotpal Das-te chu naupang ruk ching nia rinhleh vangin an sawisa hlum a ni. Mawhphurtua puh zinga 47 hi chu Nagaon Central Jail-ah dah mek an ni bawk.
Mawhphurtua puh zinga mi hian police-te chuan a kut an phuarsak nia sawiin hei hi Supreme Court thupek kalh a nih avangin hekna a thlen a ni.
Hetihlai hian sawisak hlum chhungte chuan thudik hailan a nih theihna turin fast-track court-a thubuai ngaihtuah an phut ve mek bawk.