Home Minister-i'n Assam tlawh leh dawn

Union home minister Amit Shah chuan vawiin hian Assam a tlawh leh dawn. 

Amit Shah hian assem­bly inthlan nei tur, Assam hi kumina a tlawh ṭum hnihna tur a ni a, January 23 khan ni hnih chamin a lo zin tawh bawk a ni. 

Vawiina Assam a tlawh hian Lower Assam-a Bo­n­gaigaon-a Koch Raj­bongshi lal chhungkaw thlah, Ananta Rai chu a in­ah a hmu dawn a, chief minister Sarbananda Sonowal-a'n a ṭawiawm ang. 

Ananta Rai hi Cooch Behar self-proclaimed king a ni a, Greater Cooch Behar People’s Associa­tion (GCPA) ho­t­u a ni a, GCPA hian West Bengal-ah Koch Rajbongshi hnam tan state emaw territory hrang emaw pek an phut a ni. Koch lalram hian Assam leh North Bengal a huam ṭhin a ni. 

Rai chuan an pawl hian West Bengal-a dis­trict pa­­­sarihah thlawptu nuai 18.50 vel a nei niin a sawi.