Vaccine drive kalpui ṭha pahnihnaah Tripura thlang

Union home ministry chuan ram pumah Covid-19 vaccine pek chhu­ah hna kalpui mekah Tripura chu state hrang hrang zingah kalpui ṭha pahnihnaah a puang.

January 16 aṭanga Covid-19 vaccine pek chhuah thawh khatna kal­pui mekah hian healthcare worker-te pek an ni. Tripura hian state chhunga healthcare worker awm zinga 77% chu vaccine hi a pe tawh a, Bihar chiah tluk loin anni hian healthcare worker 78% hnenah vaccine hi a pe tawh a ni. 

Press Information Bureau (PIB) in a tarlan danin, state 12 chuan health worker 65% chuang­te vaccine hi an pe tawh bawk. Union ministry chuan state/UT te chu vac­cination drive thawh khatna hi March 6, 2021 ah zo fel vek turin a ti a ni.