Union Cabinet-in Hmarchhak ADC-te ‘landmark’ Constitutional amendment pawm

Union Cabinet chuan Nilaini khan hmarchhak-a Sixth Schedule area-a Auto­nomous District Council-te tana finan­cial resource tihpunna tur ‘landmark’ Con­stitutional amendment chu a pawm.

Union Cabinet hi Prime Minister, Narendra Modi kaihhruaina hnuaiah ṭhukhawmin Sixth Schedule to the Constitution, Article 280-a landmark amend­ment chu an pawm a ni. Hemi hmang hian hmarchhak state hrang hrang- Assam, Meghalaya, Mizoram leh Tripura-a Autonomous District Council-te chuan financial resource leh administrative power chak zawk an nei thei dawn a ni.

Sorkar laipuiin a din Finance Commission chuan hmarchhaka ADC 10 awmte bakah Sixth Schedule in a huam thingtlang khuate leh municipal council-te chu financial resource lama thuneihna an neih tur chinte an buaipui ang. 

Assam & Meghalaya sorkar, United People’s Democratic Solidarity(UPDS), Dima Halam Daogah(DHD) leh Achik National Volunteers’ Council (ANVC)-te leh India sorkar in Memorandum an ziah chu amendment siam hian a tihlawhtling chiah nia tarlan a ni.

Amendment hian ADC awmsa ṭhenkhatte chu Karbi Anglong Auto­nomous Territorial Coun­cil (KAATC), Dima Hasao Autonomous Te­rri­torial Council (DHATC), Garo Hills Au­to­no­mous Territorial Council (GHATC), Khasi Hills Autonomous Terri­torial Council (KHATC), Jaintia Hills Auto­nomous Territorial Council (JHATC) leh Tripura Tribal Area Autonomous Territorial Council (TTAATC) tia an hming thlak a rawt bawk a, hei hi tuna Council awmsate hian district pakhat aia tam an huam vang a ni thung.

 KAATC, DHATC, GHATC, KHATC leh JHATC-ahte seat dah belh a ni bawk ang.