Assam NRC: SC-in July 31 thlenga pawhsei hnawl

Assam National Register of Citizens (NRC) final list tihchhuah hun atana July 31 thleng hun pek belh tura ngenna chu Ninagni khan Supreme Court chuan a hnawl.

Court chuan Assam chief secretary, state NRC coordinator Prateek Hajela leh Election Commission-te hnenah thupek tichhuakin  citizen register verification hearing neih hun tur ni sarih chhunga tichiang turin an hriattir a, hma an lak vat loh chuan Lok Sabha inthlanin a nang mai dawn niin Court chuan a sawi.

Prateek Hajela chuan Court hnenah hian NRC final list-a hming telh tura dil ṭha leh hi mi nuai 36.2 an awm tih sawiin, nikum December 31 thleng khan objection thehlut mi nuai hnih an awm bawk tih a sawi. 

Supreme Court hian nikum khan claims and objections siam hun tura hun tawp ber atana December 15 ruahman chu December 31 thleng khan a pawhsei sak a ni.