AP: R-Day-a flag tlak vangin Head Constable suspend a ni

Arunachal Pradesh state khawpui Itanagar-a IG Park-a Inrinni-a Republic Day hmannaah  Governor BD Mishra chuan ram puanzar a pawtparh a, he puanzar hi a flagpole aṭanga a tlak avangin head constable pakhat chu suspend a ni.

Governor hian puan­zar a pawhparh lai hian a pawhparhna hrui chu a chat nia tarlan a ni a, mahse Mishra chuan chiai loin a ADC leh flag keeper-te chu puanzar pawtparh tura hriattirin ceremonial salute chu an nei ta tho niin an tarlang.

He thil  thleng avang hian Chief Secretary Satya Gopal chu a lungawi lo hle a, chhuichiang tura hriattir nghalin Power Commissioner GS Meena kaihhruaina hnuaiah chhui chian nghal  a ni bawk.

CS chuan puanzar hrui chu a chah thu leh flagpole pawh a chhiat thu sawiin, governor leh a sorkar tan pawh thil thinrim thlak tak, ram puanzar zah lohna a nih theih thu a sawi.

Thil thleng palh ni ngeia hriat ni mah se  DGP SBK Singh kaihhruai police department chuan head constable, Taje Maying chu an suspend a ni.

DGP Singh hian he thil thleng avanga Head Constable Maying in mawh a phur dan erawh a sawilang duh lo thung.