Manipur Journalist man nupuiin a pasal chhuah phut

Manipur Journalist, Facebook-a BJP leh RSS sawichhiatna video a post avanga man, Kishorchandra Wangkhem chu a nupui Ranjita Elangbam chuan Thawhlehni khan chhuah a phut thu a sawi.

Ranjita Elangbam chuan an chhungkua chu politics propaganda tuartu mai an nih thu sawiin a rang thei ang bera a pasal chhuah a phut thu a sawi a ni. NGO Human Rights Law Network (HRLN) press conference-a thu a sawinaah Elangbam chuan a pasal chu uire hmang, zu heh leh dik lo taka khawsa ṭhinah an puh thu a sawi a ni. A pasal an puhna chu amah leh a fanute pahnih tan chuan pawm har tak a nih thu sawiin chhuah a ngiat thu a sawi.

Wangkhem hi National Security Act (NSA) hnuaiah man a ni a, jail-ah tantir a ni.