Assam-in coronavirus test phut tawh dawn lo

Assam sorkar chuan airport, rel station leh land route aṭanga an state-a lutte Covid-19 test nei ngei ngei tura a phutna chu March 1,2021 aṭangin a titawp tawh dawn. 

Health and family wel­fare minister Himanta Biswa Sarma chuan state chhunga hri leng dinh­munin ziaawm lam a pan chhoh zel avang leh, vaccine pek hna ngawrh taka kalpui a nih tak avangin state sorkar chuan March 1 aṭanga an state-a lutte Covid-19 test nei ngei ngei tura phutna chu tihtawp a ni dawn ta tih a sawi. Hemi rual hian hri darh tur venna kawnga theihtawp chhuah chhunzawm zel turin mipuite chu a chah nghal bawk. 

Assam-ah hian Nilaini thleng khan health worker 1,08,512 hnenah vaccine pek a ni tawh. Nikum December thla aṭang khan state chhunga Covid-19 kai hmuh chhuah hi an tlahniam ṭan tawh a, hri kai hmuh chhuah tawh hi an vaiin mi 2,17,256 an tling tawh a ni. Hripui vanga thi hi mi 1,086 awm tawhin, thihpui rate hi 0.50% a ni.