Meghalaya sorkarin Umiam dilah ropeway siam tum

Meghalaya sorkar chuan chief minister Conrad Sangma kaih­hruaina hnuaiah Umiam dilah ropeway siam an tum.

Ropeway mai ni lo hian Umiam Lake view­point-ah khualzin hip thei tur infrastructure dah belh an tum bawk a, chung zingah chuan thil zawrhna hmun leh restaurant-te pawh a tel. Inrinni khan Chief Minister hian Umiam Lake viewpoint hi enfiah­in a tlawh a, hemi hnu hian a Twitter-ah Umiam tihchangtlun an tum dan hi a tarlang a ni.

Meghalaya CM hian social media lama Umiam Lake bawlhhlawh tak thlalak thehdarh a ni hnuah, he lui humhalh a ṭulh thu leh, thenfai hna rang taka kalpui a ngaih thu a lo sawi tawh a ni. CM chuan Umiam Lake thenfaina tur hian short-term leh long-term step  siam a ngai tih a sawi. 

Meghalaya Assembly Committee in report a siamah, Umiam Lake hi humhalh ṭhat a nih loh chuan,  hnawm tling khawm leh bawlhhlawh paih nasat vangin kum 2024  hnu lamah chuan a chhe vek tawh mai thei niin an sawi.