Assam-ah BJP zawm thar mi nuai 15 tling

Assam BJP chuan kumin July 16 aṭanga membership drive an neih hnu khan an state chhungah BJP zawm thar chu nuai 15 an tling tawh tih an sawi. 

State BJP chuan an target chu  nuai 11 a nih laiin, nasa takin an khum tih an sawi. Member inziaklut tharte nen Assam-a BJP member neih zat chu nuai 40 an chuang tawh a ni, a ti. Membership drive hi tun thla chhungin neih chhunzawm an la tum. 

Assam BJP president Ranjeet Kumar Dass chuan Pathianni tlaia Guwahati-a an party headquarters-a programme an hmanah, party member tharte chu an lo lawm thu a sawi. "Mipuite chuan Sarbananda Sonowal kaihhruai BJP sorkarah rinna an nghat a, mi nuai 15 zetin party an rawn zawm thar hi centre leh state-a party hruaitute an rin tawk zia lantirna a ni," a ti. 

Eptu pawl hruaitu eng emaw zat pawhin BJP hi an zawm tawh a, an zingah hian Rajya Sabha-a Congress chief whip hlui Bhubaneswar Kalita, minister hlui leh ṭum ruk MLA ni tawh Gautam Roy leh Rajya Sabha MP hlui Santiuse Kujur-te pawh an tel.