Meghalaya-ah Indo-Bangla Border 'haat' pahnih dah dawn

Meghalaya khawpui Shillong-ah nimin khan Indo-Bangla Deputy Commissioners’ meet neih a ni a, meeting-ah hian thla lehah Meghalaya-ah Indo-Bangla border 'haat' pahnih kalpui hman an tum thu sawi a ni.

Meghalaya additional chief secretary Rebecca V Suchiang chuan hemi chungchang hi sawiin, he hunah hian deputy commissioner/district magis­trate-te bakah Meghalaya leh Bangladesh border district a superintendent of police-te ve ve pawh an tel.

Border Security Force (BSF) Me­ghalaya Frontier leh Border Guards of Bangladesh (BGB) official-te pawh tel bawkin East Khasi Hills district deputy commissioner, Matsiewdor W Nongbri chuan he hun hi a kaihruai a ni.

Bangladesh aiawh hian official 52 an tel.

Rebecca V Suchiang chuan Septem­ber thla chhung hian Bangladesh nen an inrina, East Khasi Hills district-a Bholaganj leh Ryngku-ahte border haats hi hman theihin an siam hman dawn tih a sawi. South West Khasi Hills district-a Nolikata-ah pawh December hian border 'haat' hi hman theiha puitlin hman an tum bawk.

East Khasi Hills district-a Shella-ah leh South West Khasi Hills district-a Borsora-ahte Integrated Check Post (ICP) pahnih din a nih tur thu a sawi bawk a ni.