Assam CM-in nawrh huaihawtte inbiakna neihpui turin ti

Assam chief minister Sarbananda Sonowal chuan nawrh huaihawt mek, milk cooperative society chu inremna siampui dan ngaihtuah a, inbiakna neihpui turin state cooperation minister Rihon  Daimary a hriattir. 

Central Assam-a district pariat-a bawng vulhtute hian National Dairy Development Board (NBBD) policy duh loin lungawi lohna an lantir a ni. Kar kal ta kartawp khan an lungawi lohna lantirna chi khat atan bawnghnute litre 1000 zet chu luiah an leihbua. Khawlaiah bawnghnute a thlawnin an sem bawk. 

Society hian Guwahati-a NDDB enkawl Purabi Dairy hnenah nitin bawnghnute litre 1000 - 1500 an pe ṭhin. Bawngvulhtute hian Purabi Dairy-a chairman atan hian tualchhung mi ngei dah turin an phut a, hei bakah hian bawnghnute pawh tualchhunga bawngvulhtute hnen aṭang chauha la turin an phut bawk.