Assam-in petrol leh diesel man tihniam
Assam finance minister Himanta Biswa Sarma sorkar chuan state chhungah petrol leh diesel man chu Rs 5 ve vea tihniam a ni dawn tih Ningania Assembly inkhawmah a sawi a, fuel man tihhniamna hi nizan zanlai aṭang khan hman ṭan nghal a ni.
Petrol leh diesel hi a man tihhniam a nih hma hian Guwahati-ah petrol litre khat Rs 90.94 leh diesel litre khat Rs 84,82 a ni hman a ni. Minister hian a hmain Covid kaihhnawiha chhiah lak belhte chu tihtawp a nih tawh dawn avangin February thlaah Assam-a petrol, diesel leh zu man chu a tlahniam dawn tih a lo sawi tawh a ni. State sorkar chuan Covid-19 hripui leng vanga sum indaihlohna a tawhte phuhrukna kawng khat atan nikum khan petrol leh diesel-a chhiah lak chu Rs 5 ve vein a lo tipung tawh a ni. Nikum May thla khan Indian made foreign liquor (IMFL)-a chhiah pawh 25% in a tipung bawk.