Assam CM-in film producer 55 puihna pe

Assam chief minister Sarbananda Sonowal chuan an state chhunga film industry chawikan a nih theihna turin film producer 55-te ṭanpuina a pe. 

Assam State Film Finance and Development Corporation (ASFFDC) chuan ṭanpui dawng tur hi thlangin, April 1,2016 - March 31, 2020 chhung film siamtu aṭangin an thlan a ni. 

CM chuan a thawh khatna atan film producer-te puihna tur hian cheng vaibelchhe khat a pe chhuak. Film producer, director leh artist-te chuan society-a a ṭha zawnga inthlakthleng siam thei tura mawhphurhna pawimawh tak an neih thu leh, ṭhalaite pawh helam kawnga cho chhuak turin a chah. Sonowal chuan film hmang hian mipuite hnenah thuchah pawimawh tak tak a thehdarh theih a ni tiin, film siamtute chu agriculture, industry culture lama an state theihna hrang hrangte bakah an ram leilung mawinate phochhuahna kawnga nasa zawka ṭan la turin a chah bawk. 

Science and technology lama Assam mi hlawhtlingte chanchinte pawh phochhuak turin CM chuan a ngen a, state hmasawnna turin section hrang hrangte chuan lungrual taka an thawhho a ṭul thu a sawi.