Organic state-ah Nagaland puang thuai dawn : Kaito Aye

Nagaland agriculture and corpo­ration minister G Kaito Aye chuan organic policy an siam hunah Naga­land chu organic state-ah puan a ni thuai dawn tih a sawi. Hemi rual hian loneituten harsatna an tawh lohna turin hma lak zel a ni dawn tih a sawi tel bawk. 

Thawhlehni-a Indian Chamber Commerce (ICC)  buatsaih outreach-cum-buyer-seller meet-a thu a sawiah, minister chuan nakkum March thlaah cold storage facility hman a ni dawn tih sawiin, loneitute thlai thar chu riral loin a awm thei tawh dawn a ni, a ti. ICC leh industrialist-te hnenah Nagaland chu agricultural sector piah lamah ngaihven turin a sawm a, state sorkar chuan state dangte hmasawnna ruala kal ve turin theihtawp a chhuah mek a ni, a ti. 

Aye chuan state sorkarin Nagaland chu organic state-a siam turin hma a la mek tih a sawi a, ICC, Agricultural and Processed Food Products Export Development Au­thority (APEDA) leh investor-te chu loneitute chawikan an nih theihna tura pui chhunzawm zel turin a sawm bawk. 

Minister hian state agriculture and horticulture department-in IT department puihna a siam, Naga Organic app a tlangzarh nghal bawk a ni.