Sikkim: BJP MLA tharten dan hlui humhimna tur thlen

Sikkim Democratic Front (SDF) MLA 10-te chuan Bharatiya Janata Party (BJP) an zawm hnu lawkah union minister for home affairs, Amit Shah hnenah memorandum thehlutin Sikkim dan hluite humhimna tur an thlen.

Amit Shah hnena memorandum an thehluhah hian Sikkim dan hlui, India Constitution article 371(F) zawng zawng humhimna tur a tel a, heng dante hi tihdal emaw tihchhiat emaw a nih lohna turin humhimna tur an dil a ni.

Home Minister hnena ngenna an thlen zingah hian Bhutia-Lepcha community member-te hnenah tunhma aṭang tawha an dikna chanvo neihte leh an duhnate humhimna tur, Limboo Tamang community member-te tana Sikkim Legislative Assembly-a reservation pekna tur, Sikkim-a community 11 Schedule Tribes category-a dahna turte pawh a tel.

1975-a an state ramri siam pawh hum­him zel a nihna tur leh thlak a nih lohna turte pawhin ngenna an thlen bawk a ni.