NHPC-in Lower Subansiri project thawh zawm dawn

Arunachal Pradesh-a 2,000 MW Lower Subansiri Hydro Power Project chu fur a zawh hunah National Hydro-electric Power Cor­poration, NHPC chuan a thawh chhunzawm dawn. 

Assam sorkar leh NHPC Limited hian kar kal ta Zirtawpni khan project thawh chhunzawmna tur hian Memorandum of Agree­ment (MoU) an ziak a ni. Inremnaah hian state sorkar aiawhin Principal Secretary (Power) Niraj Verma chuan hming a ziak a, NHPC lam aiawhin CMD Balraj Joshin chuan hming a ziak bawk. 

Mega power project hi Assam-a pawl hrang hrangte dodalna avangin kum 2011 aṭang khan chawlh lailawk a ni. He project dodaltute chuan Assam chu seismic zone V-a awm a nih avangin, chhiatna a thlen palh thulhah a hnuai lama awm state-te tan a hlauhawm thei dawn tih an sawi. 

Mahse project zirchiang tura committee hrang hrang din a nih hnuah harsatna awm thei tur chinfel dante ngaihtuah a ni a, hna thawh chhunzawm leh turin tihfel a ni leh thei ta a ni. Subansiri Lower hi ram­chhunga hydro project lian ber a ni, Assam leh Arunachal Pradesh inrinaa siam a ni.