HSP-in Sikkim tlang lawn phalna siam duh lo

Sikkim-a Bhaichung Bhutia-a party, Hamro Sikkim Party (HSP) chuan sorkar laipuiin Sikkim-a tlangte khual­zinten an tlawh phalsak a, expedition route a hawng chu duh loin, sorkar chu a thu sut leh turin an phut. 

Sorkar laipuiin Sik­kim-a tlangte khualzinte tlawh a, lawn a phalsak zingah hian Sikkim mi­puite sakhaw thila hmun thianghlima an ngaihte a tel a ni. HSP thupuangtu, Biraj Adhikari chuan tlang ṭhenkhat, kum 2001-a Sikkim sorkarin sakhaw hmun thianghlim a nih avang leh Sikkim mipuite ngenna avanga commercial thila lawn a khapte chu sorkar laipuiin tlang lawn a phalsak zingah hian a telh tih a sawi. Heng tlangte hi Sikkim mipuite tan chuan hmun pawimawh, hmun thianghlim a nih avangin state mipuite duhdan kalha, sorkar laipuiin hetiang thupek a tichhuak hi an dem thu a sawi a ni. 

HSP chuan sorkar laipui hnenah Sikkim mipuite rawn hmasa loa thupek a tihchhuah chu sut leh turin an phut tih a sawi. Union home mi­nistry chuan tunhnai khan Sikkim lam aṭanga khawvela tlang sang pathum­na, Kanchengjungha (8586 m) leh Sikkim-a tlang 137  lawnna tur, expedition route a hawng a ni.