Tripura CM-in home tan a thla khat hlawh pe
Tripura chief minister Biplab Kumar Deb chuan a thla khat hlawh, Rs 29,000 chu hmeichhe naupang enkawlna in tan a pe.
CM-in ṭanpuina a pek, State Children Home for Girls hi social welfare department enkawl a ni. He hmunah hian August 1 khan CM leh a nupui, Niti deb chuan an fanu Shreya Deb piancham pawh an lo lawm tawh a ni. Home-a chengte awmdan chuan a tihlawm thu sawiin, CM chuan naupangte enkawlna tur hian a thla khat hlawh a pek tur thu a lo sawi tawh a ni.
Social welfare minister Shantana Chakma chuan CM thiltih chu lawmawm a tih thu sawiin, he thil hian zirlaite chu kawng dik zawh tur leh, hmasawn turin a tihphur phah ngei ang, a ti.