BTC Tourism-in International Paragliding Championship buatsaih dawn

Bodoland Territorial Coun­cil (BTC) Tourism Department chuan November 10-15 inkar hian Ontaigufur, Dangdhufur Chokrosila wildlife sanctuary-ah 1st Bodoland International Paragliding Accuracy Cham­pionship a buatsaih dawn. 

Tourism Department Director Mahan Chandra Brahma chuan an department hian kum 2013-a Bhaokungri Festival-ah paragliding hi an buatsaih ṭan tih sawiin, international paragliding map-ah pawh an tel tawh thu a sawi. 

Bodoland Tourism hian paragliding pilot pathum a nei a, Kakrajhar-a Dangdhufur Hills-ah commercial flies pawh an hawng tawh bawk. 

Braham chuan 1st Bo­doland International Paragli­ding Accuracy Championship-ah hian India leh ramdang eng emaw zat aṭangin pilot 70 vel an tel dawn tih a sawi a, rampawn lam- Thailand, Indonesia, Malaysia, Japan, South Korea, Sri Lanka, Nepal, Switzerland bakah ramchhung aṭangin Mizoram, Arunachal Pradesh, Sikkim, Pune leh Manali aṭangin pilot-ten an tel tur an tichiang tawh a ni, a ti.