Sikkim-ah LKG-Class 5 ten school kal ṭan

Sikkim state-ah nimin aṭang khan pre-primary leh primary school zirlaiten school an kal ṭan. 

Covid-19 hri leng vangin thla 11 chhung zet zirna chhunzawm thei loa an awm hnuah, nimin aṭang khan Covid-19 protocal khauh taka kengkawh chungin school hi hawn ṭan a ni ta a ni. Class sang zawkte erawh chu nikum October thla aṭang khan a tahtawlin school hi kal tir an lo ni tawh a ni. 

Primary level school-te hi 50% chin chauh kal tir tura tih an ni a, mahse zirlai nei tlem deuh rawh chu an vaia kal phalsak an ni ang. Nitin chawhnu dar 2 thleng an kal ṭhin dawn a, thla tin Inrinni vawi hnihna leh vawi linaah school level tinte an chawl ang.