Hmarchhak-a khaw 8,500-in 3G/4G la nei lo

Sorkar laipuiin hmarchhak bial tana Comprehensive Telecom Development Plan (CTDP) a pawm aṭanga kum ruk a liam hnuah pawh, hmarchhak biala thingtlang khaw tam takah mobile phone connection leh high-speed mobile internet a la awm lo. 

Hmarchhak state zingah Arunchal Pradesh chu high-speed mobile internet thlen phak lohna khaw tamna ber a ni tih Parliament-a data pharhah tarlan a ni. Arunachal Pradesh-a thingtlang khaw zinga 64% chuan 3G/4G moble internet an la nei lo a ni. 

Minister of State for Communications, Education and Electronics & Information Technology Sanjay Dhotre-a'n Parliament-a data a tarlana a landanin, Aruanchal Pradesh-a thingtlang khaw 5,258 zinga 3,343 chuan 3G/4G mobile internet an nei lo a, Manipur-a khaw 2,515 zinga 808 (32%), Meghalaya-a khaw 6,459 zinga 2,418 (37%), Mizoram-a khaw 707 zinga 296 (42%) leh Nagaland-a khaw 1,400 zinga 378 (27%) chuan high-speed mobile internet an la nei lo bawk. 

Dhotre chuan mobile phone connectivity la awm lohna hi Arunachal Pradesh-ah khaw 2,023, Meghalaya-ah 1,674, Assam-ah 616, Manipur-ah 463, Mizoram-ah 206 leh Nagaland-ah khaw 144 an awm bawk a ni.