Manipur NGO-in ruihhlo do beihpui thlak tum

Manipur-a NGO 143 intelkhawm, Agape Museum chuan ruihhlo do beihpui thlak an tum thu sawiin, an state chhunga poppy chinna hmunte tichhe turin hma an la dawn tih an sawi. 

Agape Museum-a tel NGO-te hi hill district hrang hranga mite an ni. Chief minister N Biren Singh hnenah memoradum thehlutin, CM kaihhruai sorkarin state chhunga ruihhlo do beihpui a thlaknaah Pathian malsawmna a dawn ngei an duhsak thu an sawi. State chhunga poppy chinna ramte sumchang thei thlai chinna hmun atana thlak tuma a beihnaah theihtawpa an thawhpui tur thu an sawi a ni. 

NGO aiawhte hian Manipur sorkarin 'War on Drugs' campaign a kalpui mekchu an thlawp tlat tih CM hian an hrilh. CM chuan poppy chingtute chu a hmelmate an ni lo tih sawiin, mahse ṭhalai te ruihhlo hmansualna laka chhanhimna turin ruihhlo do beihpui thlakin, poppy chinte chu an tichhe zel dawn tih an sawi.